کراچی: سندھ کے سینئر وزیر شرجیل انعام میمن نے یلو لائن بی آر ٹی منصوبے پر دن رات کام جاری رکھنے کی ہدایت کردی۔
میڈیا رپورٹ کے مطابق اجلاس میں یلو لائن بی آر ٹی کے مختلف تعمیراتی پیکیجز، پیش رفت اور اہم حصوں کا جائزہ لیا گیا، جبکہ متعلقہ حکام نے منصوبے پر جاری کام کے حوالے سے بریفنگ دی۔
شرجیل میمن نے ہدایت کی کہ تاج حیدر پل کے دوسرے حصے اور ڈیپوز کے تعمیراتی کام میں تیزی لائی جائے، منصوبے کے تمام حصوں کی باقاعدگی سے مانیٹرنگ کی جائے اور رفتار کے ساتھ تعمیراتی معیار بھی یقینی بنایا جائے۔
انہوں نے کہا کہ یلو لائن بی آر ٹی کراچی کے جدید ماس ٹرانزٹ نظام کا اہم منصوبہ ہے، جس کی تکمیل سے شہریوں کو بہتر سفری سہولیات میسر آئیں گی۔
