اسپین کے وزیراعظم پیڈرو سانچیز نے کہا ہے کہ ایران کے خلاف جنگ یورپی شہریوں کو اب تک 100 ارب یورو سے زائد کا معاشی نقصان پہنچا چکی ہے، جس کے اثرات عام لوگوں پر پڑ رہے ہیں۔
میڈیا رپورٹ کے مطابق برسلز میں یورپی کونسل کے اجلاس کے بعد انہوں نے کہا کہ جنگ کی مخالفت کرنے والے یورپی رہنماؤں کا مؤقف درست ثابت ہوا۔ سانچیز کے مطابق اسپین کی پارلیمان نے متاثرہ شعبوں اور شہریوں کی مدد کے لیے 12 ارب یورو سے زائد کے امدادی پیکج کی منظوری دی ہے۔
انہوں نے زور دیا کہ جنگ کے معاشی اور سماجی نقصانات کم کرنے کے لیے اس تباہی کو جلد از جلد ختم کرنا ضروری ہے۔
