News Point PK

سانگھڑ کی تحصیل شہدادپور ریلوے اسٹیشن کے قریب کراچی سے لاہور جانے والی شالیمار ایکسپریس 27 اپ کو حادثہ پیش آگیا تین بوگیاں پٹری سے اترگئیں چار مسافر زخمی ہوگئے

تفصیلات کے مطابق سانگھڑ کی تحصیل شہدادپور ریلوے اسٹیشن کے قریب کراچی سے لاہور جانے والی شالیمار ایکسپریس 27 اپ کو حادثہ پیش آگیا تین بوگیاں پٹری سے اترگئیں واقعہ کی اطلاع ملتے ہیں مقامی انتظامیہ جن میں اسسٹنٹ کمشنر تعلقہ شہدادپور اور شہدادپور انسٹیٹیوٹ آف میڈیکل سائنسز ہسپتال کے ڈائریکٹر ڈاکٹر بشیر جمالی اپنی ٹیموں کے ہمراہ جائے حادثہ پر پہنچ گئے

جبکہ ٹرین کی بوگیاں اترنے سے مسافر محفوظ رہے عینی شاہدین کے مطابق حادثہ لائن تبدیلی کے وقت پیش آیا جس میں چار مسافر زخمی ہوئے

ریلوے حکام کے مطابق حادثہ کے بعد آپ اور ڈاؤن ٹریک مکمل طور پر بند ہوگیا اور تمام گاڑیوں کو مختلف اسٹیشنوں پر روک دیا گیا ہے ٹریک بحال ہونے میں کئی گھنٹے لگ سکتے ہیں

مسافروں کا کہنا تھا کہ ٹرین کی رفتار کم ہونے کے باعث ہم بڑے سانحے سے بچ گئے اس وقت ٹرینوں کی حالت انتہائی تشویشناک ہے اور سفر کرنے سے ڈر لگنے لگا ہے ٹرین میں ٹکٹ لیکر بیٹھتے ہیں اور دعا کرتے ہیں کہ خیریت سے گھر پہنچ جائیں

مسافروں نے فوری طور پر غفلت برتنے والے ملوث عملے کے خلاف کارروائی کریں جبکہ اس حوالے سے مقامی انتظامیہ کا کہنا تھا کہ ہمیں جیسے ہی اطلاع موصول ہوئی دس منٹ میں جائے حادثہ پر ہم اپنی ٹیموں کے ہمراہ پہنچے

جہاں کوئی جانی نقصان نہیں ہوا مسافروں کیلئے طبی، غذائی، سفری سہولیات کا انتظام کیا گیا ہے