News Point PK

وزیرِ اعلیٰ سندھ مراد علی شاہ نے کہا کہ سندھ پولیس کے شہداء ہمارا فخر ہیں۔

میڈیا رپورٹ کے مطابق نیشنل پولیس اکیڈمی میں سندھ پولیس کے ڈی ایس پیز کی پاسنگ آؤٹ پریڈ کے موقع پر انہوں نے کہا کہ نیشنل پولیس اکیڈمی کا پولیس افسران کی پیشہ ورانہ تربیت میں اہم کردار ہے، تربیت مکمل کرنے والے ڈی ایس پیز کو مبارک باد پیش کرتا ہوں۔

مراد علی شاہ کا کہنا ہے کہ آپ نے انتہائی پیشہ ورانہ تربیت کا عمل مکمل کیا ہے، ڈی ایس پیز نے میدان عمل میں عوام کی صحیح معنوں میں خدمت کرنی ہے اور پولیس پر عوام کے اعتماد کو مضبوط بنانا ہے۔

رپورٹ کے مطابق وزیرِ اعلیٰ سندھ نے کہا کہ دہشت گردی جیسے چیلنجز سے نمٹنے میں قانون نافذ کرنے والے ادارں کا کردار بنیادی اہمیت کا حامل ہے۔

انہوں نے مزید کہا کہ جرائم پیشہ افراد سے نمٹنے کے لیے سندھ پولیس دیگر اداروں کے ساتھ مل کر کام کر رہی ہے۔

وزیرِ اعلیٰ سندھ مرادی علی شاہ نے یہ بھی کہا کہ امن و امان برقرار رکھنے میں سندھ پولیس کی بہادری، عزم اور لگن غیر متزلزل ہے۔