کراچی: میئر کراچی بیرسٹر مرتضیٰ وہاب نے رات گئے شہر کے مختلف علاقوں کا دورہ کرتے ہوئے جاری ترقیاتی اور بیوٹیفکیشن کے کاموں کا معائنہ کیا اور متعلقہ حکام سے پیش رفت پر بریفنگ لی۔
میڈیا رپورٹ کے مطابق بیرسٹر مرتضیٰ وہاب نے آئی آئی چندریگر روڈ، کھارادر، میٹھادر اور اولڈ سٹی ایریا کے مختلف مقامات کا دورہ کیا، جہاں انہوں نے سڑکوں، بیوٹیفکیشن اور دیگر جاری منصوبوں کی صورتحال کا جائزہ لیا۔
اس موقع پر میئر کراچی نے کہا کہ رات گئے دورے کا مقصد شہر کی مجموعی صورتحال کا براہِ راست جائزہ لینے کے ساتھ شہریوں کے مسائل اور شکایات سننا ہے۔
انہوں نے کہا کہ شہریوں کو درپیش مسائل کا حل بلدیاتی حکومت کی ذمہ داری ہے، اس سلسلے میں عملی اقدامات جاری ہیں۔ جب تک شہریوں کے مسائل حل نہیں ہوتے، ہم آرام سے نہیں بیٹھیں گے۔
