راولپنڈی کرکٹ اسٹیڈیم میں تین ٹی 20 میچز کی سیریز کے پہلے مقابلے میں سری لنکا نے پاکستان کو جیت کے لیے 183 رنز کا ہدف دے دیا۔ سری لنکن ٹیم نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 182 رنز بنائے۔
سری لنکا کی جانب سے لہرو اودارا نے 91 رنز کی شاندار اننگز کھیلی، جبکہ کمیندو مینڈس 23 اور داسن شناکا 18 رنز بنا کر نمایاں رہے۔ پاکستان کی جانب سے نسیم شاہ نے عمدہ بولنگ کرتے ہوئے 3 وکٹیں حاصل کیں۔
پاکستانی ٹیم کی قیادت صاحبزادہ فرحان جبکہ سری لنکا کی کپتانی کوسل مینڈس کررہے ہیں۔ ہدف کے تعاقب میں پاکستانی ٹیم کو کامیابی کے لیے 183 رنز درکار ہیں۔
