مظفرآباد: آزاد جموں و کشمیر قانون ساز اسمبلی میں پاکستان پیپلز پارٹی کے رہنما چوہدری محمد یاسین کو اپوزیشن لیڈر مقرر کردیا گیا۔
میڈیا رپورٹ کے مطابق اسپیکر آزاد کشمیر اسمبلی چوہدری طارق فاروق نے چوہدری محمد یاسین کی بطور اپوزیشن لیڈر تقرری کا باقاعدہ نوٹیفکیشن جاری کردیا۔
چوہدری محمد یاسین اب قانون ساز اسمبلی میں اپوزیشن کی نمائندگی کریں گے اور حکومت کے مقابل پارلیمانی کردار ادا کریں گے۔
واضح رہے کہ مسلم لیگ (ن) کے بیرسٹر افتخار گیلانی کے وزیراعظم آزاد کشمیر منتخب ہونے کے بعد چوہدری محمد یاسین کی بطور اپوزیشن لیڈر تقرری سے آزاد کشمیر اسمبلی میں حکومت اور اپوزیشن کا پارلیمانی سیٹ اپ مکمل ہوگیا ہے۔
