خیبرپختونخوا میں گزشتہ دو ماہ کے دوران سیکیورٹی فورسز نے انٹیلیجنس بیسڈ آپریشنز میں دہشت گردوں کے خلاف مؤثر کارروائیاں کرتے ہوئے متعدد خوارج کو ہلاک اور ان کے ٹھکانے تباہ کر دیے۔
میڈیا رپورٹ کے مطابق آپریشن "11 گرج" کے تحت مختلف علاقوں میں کارروائیوں کے دوران دہشت گردوں کے نیٹ ورک کو نشانہ بنایا گیا، جبکہ متعدد سہولت کاروں کو بھی گرفتار کیا گیا کارروائیوں میں اسلحہ، گولہ بارود اور دیگر جنگی سامان بھی برآمد کیا گیا۔
رپورٹ کے مطابق کہ ضلع باجوڑ کے علاقے شاکرو میں خوارج کے ٹھکانوں پر خصوصی آپریشن کیا گیا، جہاں متعدد دہشت گردوں کے ہلاک اور زخمی ہونے کی اطلاعات ہیں۔
سیکیورٹی فورسز نے کارروائی کے دوران دہشت گردوں کی جانب سے نصب کیے گئے دیسی ساختہ بم بھی ناکارہ بنا کر تباہ کیے، جبکہ آپریشن میں زمینی دستوں کے ساتھ جدید کواڈ کاپٹرز بھی استعمال کیے گئے تاکہ دہشت گردوں کی نقل و حرکت پر مؤثر نظر رکھی جا سکے۔
