News Point – Latest Urdu News from Pakistan & World

امیر جماعت اسلامی پاکستان حافظ نعیم الرحمان نے کہا ہے کہ ایران کے خلاف جنگ میں امریکا کو عملی طور پر شکست ہوچکی ہے۔

لاہور سے جاری بیان میں حافظ نعیم الرحمان نے کہا کہ پاکستان کے حکمران امریکا کے ذہنی غلام بن چکے ہیں، امریکی صدر ڈونلڈ ٹرمپ نے دنیا کا امن تباہ کردیا۔

انہوں نے کہا کہ پاکستان کا جوہری پروگرام اسرائیل کو کھٹکتا ہے، ٹرمپ اسرائیل کے راگ الاپ رہا تھا اور شہباز شریف نے انہیں امن کا انعام دینے کا کہا۔

امیر جماعت اسلامی نے مزید کہا کہ ایران کے خلاف جنگ میں امریکا کو عملی طور پر شکست ہوچکی ہے، پیلز پارٹی، ن لیگ اور پی ٹی آئی نے امریکا اور اسرائیل کی مذمت تک نہیں کی۔