ریاستی اداروں میں مکمل یکسوئی ہماری سب سے بڑی طاقت ہے، وزیر اطلاعات

ویب ڈیسک

13-May-2026

خاص خبریں

وفاقی وزیرِ اطلاعات عطاء اللّٰہ تارڑ کا کہنا ہے کہ چیلنجز سے نمٹنے پر فیلڈ مارشل سید عاصم منیر کی قیادت کو خراجِ تحسین پیش کرتا ہوں۔

میڈیا رپورٹ کے مطابق عطاء تارڑ نے انسٹیٹیوٹ آف اسٹریٹجک اسٹیڈیز میں معرکۂ حق کے حوالے سے منعقدہ تقریب سے خطاب کرتے ہوئے کہا ہے کہ بھارت نے پاکستان کے خلاف جارحیت مسلط کی، بھارت میں دہشت گردی ان کا داخلی معاملہ ہے۔

اُنہوں نے کہا کہ جموں و کشمیر کے مسئلے پر اقوامِ متحدہ کی قراردادیں موجود ہیں، جموں و کشمیر کا مسئلہ عالمی مسئلہ ہے۔

وفاقی وزیرِ اطلاعات نے کہا کہ پہلگام واقعے کی تحقیقات کیے بغیر پاکستان پر الزام عائد کیا گیا، پاکستان کی دہشت گردی کے خاتمے کے لیے قربانیاں لازوال ہیں، ایک ایسا ملک پاکستان پر الزام لگا رہا ہے جو خود کینیڈا اور دیگر ملکوں میں سکھوں کے قتل میں ملوث پایا گیا۔

اُنہوں نے کہا کہ کلبھوشن یادیو کا پاکستان میں پکڑے جانا بھارتی دہشت گرد ذہنیت کی واضح مثال ہے۔

رپورٹ کے مطابق عطاء اللّٰہ تارڑ نے مزید کہا کہ پاکستان کی سول اور عسکری قیادت میں مکمل یکسوئی ہے اور ریاستی اداروں میں مکمل یکسوئی ہماری مضبوطی کا مظہر ہے۔

اُنہوں نے یہ بھی کہا کہ معرکۂ حق کے دوران پاکستانی میڈیا کا کردار ذمے دارانہ تھا، معرکۂ حق کے دوران نوجوانوں نے سوشل میڈیا کو ہتھیار کے طور پر استعمال کیا۔

تازہ ترین

نمایاں خبریں

ایوان صدر میں اعلیٰ کارکردگی پر قومی اعزازات تقسیم، مختلف شخصیات کو سول ایوارڈز سے نوازا گیا