News Point PK

ٹنڈوآدم میں تین روز قبل پراسرار حالات میں جاں بحق ہونے والے 50 سالہ محنت کش عبداللہ ساند کے قتل کا مقدمہ درج کر لیا گیا ہے۔

مقدمہ مقتول کے بھائی محمد اسماعیل کی مدعیت میں سٹی تھانے میں نامعلوم ملزمان کے خلاف درج کیا گیا.

پولیس رپورٹ کے مطابق مقتول عبداللہ ساند آرا مشین پر مزدوری کرتا تھا۔ مدعی کے بیان کے مطابق تین روز قبل اطلاع ملنے پر وہ موقع پر پہنچے تو عبداللہ زخمی حالت میں ملا، جس کے سر کے پچھلے حصے (لوندڑی) پر شدید چوٹ کے نشانات موجود تھے۔

زخمی کو طبی امداد فراہم کی گئی، تاہم وہ زخموں کی تاب نہ لاتے ہوئے دم توڑ گیا۔

مدعی نے مقدمے میں مؤقف اختیار کیا ہے کہ نامعلوم افراد نے عبداللہ ساند پر حملہ کر کے اسے قتل کیا۔

پولیس نے قتل کا مقدمہ درج کر کے واقعے کی مختلف پہلوؤں سے تحقیقات شروع کر دی ہیں۔