News Point PK

سانگھڑ کے تعلقہ کھپرو میں گزشتہ روز ایک المناک حادثے میں 30 سالہ باپ اور اس کی چھ سالہ بیٹی جان کی بازی ہار گئے واقعہ واریاں موری کے رہائشی پیرو اور اس کی بیٹی پوجا کے ساتھ پیش آیا، جو کار میں ہڑا موری جارہے تھے۔

شدید گرمی اور تیز دھوپ کے باعث کار میں موجود گیس سلینڈر میں دھماکہ ہوگیا، جس کے نتیجے میں اچانک آگ بھڑک اٹھی۔ آگ کے شعلوں نے فوری طور پر باپ پیرو کولہی اور اس کی بیٹی پوجا کو گھیر لیا جس سے دونوں شدید جھلس گئے۔

مقامی افراد کی بروقت اطلاع پر انہیں فوری طور پر کھپرو کے ہسپتال منتقل کیا گیا، جہاں ابتدائی طبی امداد دی گئی حالت تشویشناک ہونے پر کراچی ریفر کیا گیا۔

پیرو اور پوجا کی حالت اتنی نازک تھی کہ مقامی ہسپتال کے ڈاکٹرز نے انہیں فوری طور پر کراچی کے ایک بڑے اسپتال میں ریفر کر دیا۔ تاہم دوران علاج باپ پیرو گزشتہ روز دم توڑ گیا، جبکہ چھ سالہ پوجا آج جاں بحق ہوگئی۔

مقامی ذرائع اور حادثے کی ابتدائی تحقیقات کے مطابق، کار میں موجود گیس سلینڈر سے خارج ہونے والی گیس اور شدید گرمی کے اثرات کے سبب آگ بھڑک گئی۔ یہ حادثہ ایک بار پھر خطرناک حرارت اور حفاظتی تدابیر کے فقدان کی یاد دہانی کراتا ہے۔


حادثے کی خبر کے بعد علاقے میں دکاندار، رہائشی اور مقامی رہنما غم و غصے کا اظہار کر رہے ہیں۔ لوگوں کا کہنا ہے کہ اس قسم کے حادثات کو روکنے کے لیے گاڑیوں میں گیس سلینڈرز کی مناسب دیکھ بھال اور گرمی میں حفاظتی اقدامات کو لازمی بنایا جانا چاہیے۔