News Point Pakistan – Latest Urdu News – NewspointPK

سانگھڑ :ممتاز اکیڈمی سانگھڑ میں سندھ کے ثقافتی دن کے سلسلے میں ایک پُررونق تقریب کا انعقاد کیا گیا جس میں بچوں نے بھرپور انداز میں اپنی محبت اور عقیدت کا اظہار کیا

اس موقع پر اسکول کی عمارت ٹوپی، اجرک اور سندھی ثقافت کی روایتی سجاوٹ سے معمور تھی جبکہ بچوں نے روایتی لباس زیبِ تن کیے مختلف سرگرمیوں میں حصہ لیا ۔

تقریب میں بچوں نے سندھی گیتوں پر رقص، تقاریر، ٹیبلو اور ثقافتی پریڈ پیش کی جسے دیکھ کر شرکاء نے خوب داد دی اساتذہ نے بچوں کی حوصلہ افزائی کرتے ہوئے سندھ کی عظیم ثقافت کو اُجاگر کرنے پر زور دیا ۔

پرنسپل ممتاز اکیڈمی نے اپنے خطاب میں کہا کہ سندھ کی ثقافت محبت، امن اور بھائی چارے کی علامت ہے، بچوں میں اپنی ثقافت کی پہچان پیدا کرنا وقت کی اہم ضرورت ہے جبکہ والدین نے اس خوبصورت تقریب کے انعقاد پر اسکول انتظامیہ کا شکریہ ادا کیا۔