News Point – Latest Urdu News from Pakistan & World

وفاقی وزیر اطلاعات عطا اللّٰہ تارڑ نے کہا ہے کہ پاکستان کشیدگی میں کمی کے لیے ایران اور امریکا کے درمیان ثالثی کے لیے تیار ہے۔

ایک انٹرویو میں انہوں نے کہا کہ پاکستان نے پہلے بھی تنازعات کے حل کے لیے کامیابی سے ثالثی کا کردار ادا کیا تھا، پاکستان ایران پر حملوں کی مذمت اور خلیجی ممالک کے ساتھ اظہار یکجہتی کرتا ہے۔انہوں نے کہا کہ طالبان کا اسپتال پر بمباری کا الزام بے بنیاد ہے۔

افغان طالبان نے پہلے بھی گمراہ کن خبریں پھیلائی تھیں،وفاقی وزیر اطلاعات نے مزید کہا کہ پاک فوج کے حملے دہشت گردی پھیلانے والے کیمپوں پر مرکوز رہے ہیں، پاکستانی فوج نے افغانستان میں شہری آبادی کو نشانہ نہیں بنایا۔