News Point – Latest Urdu News from Pakistan & World

کے الیکٹرک نے شہر میں بارشوں اور تیز ہواؤں کے پیش نظر عوام کیلیے آگاہی پیغام جاری کیا جس میں عوام سے اپیل کی گئی ہے کہ تیز ہواؤں اور بارش کے دوران برقی آلات کے استعمال میں احتیاط کریں۔

ترجمان کےالیکٹرک کا کہنا تھا کہ بارش اور نکاسی والے علاقوں میں پانی کی موٹر جیسے برقی آلات کا غیر محفوظ استعمال حادثات کا سبب بن سکتے ہیں، شہری ٹی وی انٹر نیٹ کیبلز اور ٹوٹے ہوئے تاروں، بجلی کے ترسیلی تنصیبات سے محفوظ فاصلہ برقرار رکھیں۔

ترجمان کے الیکٹرک نے کہا کہ غیر قانونی ذرائع سے بجلی کا حصول اور کنڈے جان لیوا حادثات کا سبب بنتے ہیں۔ ترجمان نے کہا کہ شہر میں بارش کے بعد کی صورت حال کا جائزہ لیا جارہا ہے جس کیلیے تمام فیلڈ اسٹاف الرٹ ہے۔