News Point PK

ایران کے صدر مسعود پزیشکیان نے تصدیق کی ہے کہ حال ہی میں ان کی دوبدو ملاقات سپریم لیڈر مجتبی خامنہ ای کے ساتھ ہوئی ہے۔

میڈیا رپورٹ کے مطابق مجتبیٰ خامنہ ای کے مارچ میں ایران کے رہبر اعلیٰ منتخب ہونے کے بعد کسی بھی شخصیت کے ساتھ یہ پہلی ملاقات ہے جس کا زکر منظرعام پر کیا گیا۔

رپورٹ کے مطابق صدر مسعود پزیشکیان نے بتایا کہ رہبراعلیٰ سے ملاقات تقریباً ڈھائی گھنٹے تک جاری رہی، جس میں ان کا برتاؤ انتہائی دوستانہ، پُراعتماد اور عاجزانہ تھا۔

صدر مسعود پزیشکیان نے مزید کہا کہ سپریم لیڈر مجتبیٰ خامنہ ای کے طرزِ گفتگو اور رویے نے اس ملاقات کو براہِ راست مکالمے، اعتماد اور ہم آہنگی کی فضا میں بدل دیا، وہ پُرعزم اور متحرک نظر آئے۔