News Point Pakistan – Latest Urdu News – NewspointPK

لاہور، پاکستان کے اوپننگ بلے باز فخر زمان کو سری لنکا کے خلاف ٹرائی نیشن سیریز کے فائنل میں آئی سی سی کوڈ آف کنڈکٹ کی خلاف ورزی پر سزا سنائی گئی ہے۔

آئی سی سی کی جانب سے جاری اعلامیے کے مطابق فخر زمان نے میچ کے اہم مرحلے میں آؤٹ دیئے جانے پرعدم اتفاق کا اظہار کرتے ہوئے ایمپائر سے بحث کی، جو کہ کوڈ آف کنڈکٹ کے آرٹیکل 2.3 کی خلاف ورزی کے زمرے میں آتا ہے۔

یہ خلاف ورزی لیول ون کی کیٹیگری میں شامل ہے جو کھیل کے دوران نظم و ضبط اور ایمپائرز کے فیصلوں کے احترام سے متعلق ہے۔

فخر زمان کو اس حرکت پر میچ فیس کا دس فیصد جرمانہ عائد کیا گیا ہے جبکہ ان کے ڈسپلنری ریکارڈ میں ایک ڈی میرٹ پوائنٹ بھی شامل کردیا گیا ہے