روس نے ایران امریکا کشیدگی میں پاکستان کے کردار کو قابلِ تحسین قرار دے دیا

ویب ڈیسک
بین الاقوامی

روس نے ایران اور امریکا کے درمیان جاری کشیدگی کے دوران پاکستان کے ثالثی کردار کی ایک بار پھر حمایت کا اعلان کیا ہے۔
میڈیا رپورٹ کے مطابق اسلام آباد میں پریس کانفرنس کرتے ہوئے پاکستان میں روس کے سفیر البرٹ خورئیوف نے کہا کہ روس، امریکا اور ایران کے درمیان تنازع کے پرامن حل کیلئے پاکستان کی سفارتی کوششوں کو مثبت سمجھتا ہے۔
روسی سفیر نے کہا کہ ماسکو ایسے تمام اقدامات کی حمایت کرے گا جو واشنگٹن اور تہران دونوں کے تحفظات کو حل کرنے میں مددگار ثابت ہوں اور خطے میں کشیدگی کم کر سکیں۔
انہوں نے اس بات پر زور دیا کہ روس خطے میں امن اور استحکام کا خواہاں ہے اور مذاکرات کے ذریعے مسائل کے حل کو ترجیح دیتا ہے۔
پریس کانفرنس کے دوران روسی سفیر نے پاکستانی میڈیا میں سامنے آنے والی ان رپورٹس پر بھی ردعمل دیا جن میں پاکستان میں روس کی جانب سے مبینہ بھرتیوں کا ذکر کیا گیا تھا۔
انہوں نے کہا کہ ان خبروں کی تصدیق نہیں کی جا سکتی کیونکہ میڈیا رپورٹس میں تضاد موجود تھا۔ ان کے مطابق جس شخص کے بارے میں بھرتی کی خبر سامنے آئی، اس نے روسی سفارت خانے میں ویزے کیلئے درخواست بھی نہیں دی تھی۔
روسی سفیر نے بتایا کہ اس معاملے پر پاکستان کے متعلقہ ادارے تحقیقات کر رہے ہیں اور امید ہے کہ جلد حقائق سامنے آ جائیں گے۔
انہوں نے یوکرین جنگ کے حوالے سے بھی گفتگو کرتے ہوئے کہا کہ پاکستانی میڈیا میں زیادہ تر یوکرین کے نقصانات پر بات کی جاتی ہے جبکہ روس کے نقصانات کم زیر بحث آتے ہیں۔
البرٹ خورئیوف کا کہنا تھا کہ روس یوکرین جنگ میں اپنے اہداف حاصل کرے گا اور ماسکو ہر قسم کی صورتحال کیلئے تیار ہے۔
نمایاں خبریں
ہمیشہ مذاکرات اور امن کو ترجیح دی، دباؤ یا طاقت کے آگے ہتھیار نہیں ڈالیں گے، مسعود پزشکیان

ایران امریکا مذاکرات پاکستانی ثالثی کے ذریعے جاری،امریکی نئی تجاویز کا جائزہ لیا جا رہا ہے: اسماعیل بقائی

ایران دھمکیوں سے مرعوب نہیں ہوگا، ابراہیم رئیسی کی دوسری برسی، مجتبیٰ خامنہ ای کا پیغام

امریکی بحریہ ہائی الرٹ، نیتن یاہو وہی کریں گے جو میں چاہوں گا،ٹرمپ کی ایران کو نئی دھمکی

روس اور چین کا عالمی معاملات میں مشترکہ مؤقف مزید مضبوط، عالمی سیاست میں طاقت کا نیا توازن ابھرنے لگا

Automate. Scale. Grow with Webrix.
Helping businesses grow digitally