News Point – Latest Urdu News from Pakistan & World

وزیراعظم آزاد کشمیر راجا فیصل ممتاز راٹھور نے کہا ہے کہ بڑے سے بڑا مسئلہ بھی بات چیت کے ذریعے حل ہونا چاہیے، ہم اب کوئی افرا تفری نہیں ہونے دیں گے۔

کابینہ کے ہمراہ پریس کانفرنس کے دوران راجا فیصل ممتاز نے کہا کہ ریاست میں ہم سب کو ریاست کی بہتری کیلئے کام کرنا ہے، آزاد کشمیر دوبارہ کسی ایڈوینچر کا متحمل نہیں ہو سکتا۔

انہوں نے مزید کہا کہ جوائنٹ عوامی ایکشن کمیٹی کے ساتھ معاہدے کے تمام نکات پر عمل کر رہے ہیں، 98 فیصد معاملات پر عمل جاری ہے۔

وزیراعظم آزاد کشمیر راجا فیصل ممتاز راٹھور کا کہنا تھا کہ پچھلی حکومت میں عوام اور حکومت کے درمیان دوری آئی تھی، ہم نے وہ ختم کی، ہم نے عوامی مفادات کے معاملات حل کرنے میں تاخیر نہیں کی، ہمارا کسی سے مقابلہ نہیں۔