News Point PK

وزیرِ اعلیٰ پنجاب مریم نواز نے پیٹرولیم مصنوعات کی قیمتوں میں کمی کے اعلان کا خیر مقدم کیا ہے اور ساتھ ہی کرایوں میں کمی کے لیے فوری اقدامات کا حکم بھی دیا ہے۔

میڈیا رپورٹ کے مطابق وزیرِ اعلیٰ مریم نواز نے صوبے بھر میں ٹرانسپورٹ اور گڈز کرایوں میں کمی کے لیے فوری اقدامات کا حکم دیا ہے۔

انہوں نے کہا ہے کہ پیٹرولیم مصنوعات کی قیمتوں میں کمی کا بھرپور فائدہ عوام کو ہر صورت پہنچنا چاہیے۔

رپورٹ کے مطابق مریم نواز نے پیٹرولیم مصنوعات کے نرخ میں نمایاں کمی پر وزیرِ اعظم محمد شہباز شریف اور ان کی ٹیم کو سراہا اور کہا کہ وزیرِ اعظم نے علاقائی صورتِ حال میں بہتری آنے پر پیٹرولیم مصنوعات کی قیمتوں میں کمی کا وعدہ پورا کیا۔

وزیرِ اعلیٰ پنجاب نے کہا کہ علاقائی صورتِ حال کی وجہ سے قوم کو انرجی بحران سے محفوظ رکھنا وزیرِ اعظم کا تاریخی کارنامہ ہے۔

مریم نواز نے کہا کہ وزیرِ اعظم شہباز شریف اور فیلڈ مارشل سید عاصم منیر نے مشکل وقت میں تاریخ ساز کاوشوں سے دنیا کو انرجی اور معاشی بحران سے بچایا ہے۔