News Point PK

بالی ووڈ اداکارہ سارہ علی خان نے ایک حالیہ انٹرویو میں کہا کہ انسان اپنے تجربات اور اردگرد دیکھے گئے حالات سے سیکھتا ہے، میں نے دیکھا ہے کہ شادیاں ناکام بھی ہو سکتی ہیں، اس لیے بہتر ہے کہ صحیح شخص کا انتظار کیا جائے۔

ان کاکہنا تھا کہ شادی کی جلدی نہیں، اچھے انسان کا انتظار ہے، میں صرف شادی کے لیے شادی کرنے پر یقین نہیں رکھتی،خود سے مطمئن اور خوش رہنا سب سے اہم چیز ہے۔

سارہ علی خان نے کہا ہے کہ ان تجربات نے مجھے سکھایا کہ صرف ایک پارٹنر ہونے کے لیے رشتے میں آنا ضروری نہیں، اگر شادی نہ بھی ہو تو میں اس کے ساتھ ٹھیک ہوں، جب صحیح وقت آئے گا تب ہی شادی ہونی چاہیے۔

انہوں نے کہا کہ مجھے خود کو مکمل کرنے کے لیے کسی اور کی ضرورت محسوس نہیں ہوتی، میں کسی ایسے شخص کی تلاش میں نہیں ہوں جو مجھے مکمل کرے۔