News Point – Latest Urdu News from Pakistan & World

کراچی کے علاقے گارڈن عثمان آباد میں پیش آنے والے افسوسناک سانحہ گل پلازہ میں شہید ہونے والے چار افراد آصف، سلیم، ابرار اور فیصل کی نمازِ جنازہ ادا کر دی گئی۔ نمازِ جنازہ عثمان آباد کے محمدی گراؤنڈ میں ادا کی گئی جہاں علاقہ مکینوں کی بڑی تعداد موجود تھی۔

نمازِ جنازہ سیلانی ویلفیئر کے چیئرمین مولانا شبیر فاروقی نے پڑھائیِ اس موقع پر فضا سوگوار رہی اور ہر آنکھ اشکبار نظر آئی۔

نمازِ جنازہ میں مذہبی، سیاسی اور سماجی شخصیات نے بھرپور شرکت کی جن میں سنی تحریک کے سربراہ ثروت اعجاز قادری، شاداب نقشبندی، علامہ سلطان احمد مدنی، مہاجر قومی موومنٹ پاکستان کے رہنما نوید سمیت عوام کی بڑی تعداد شامل تھی۔

شرکاء نے سانحہ گل پلازہ پر گہرے دکھ اور افسوس کا اظہار کرتے ہوئے مطالبہ کیا کہ واقعے کی شفاف تحقیقات کی جائیں اور ذمہ داران کو فوری طور پر کٹہرے میں لایا جائے، سانحے نے پورے علاقے کو غم اور رنج میں مبتلا کر دیا ہے