News Point – Latest Urdu News from Pakistan & World

آزاد کشمیر کے شہریوں کےلیے صحت کارڈ سہولیات نئے فارمولے کے تحت بحال کرنے کا فیصلہ کرلیا گیا۔

میڈیا رپورٹ کے مطابق وفاق کے تعاون سے آزاد کشمیر حکومت نے ہیلتھ کارڈ کےلیے الگ فنڈز مختص کردیے ہیں۔

وفاقی کابینہ کی جانب سےصحت سہولت پروگرام کے لیے فنڈز کے اجرا کی منظوری دے دی گئی۔

بینظیر انکم سپورٹ پروگرام کے تحت رجسٹرڈ خاندانوں کا مفت علاج جاری رہے گا۔

رپورٹ کے مطابق عام شہریوں کےلیے ہیلتھ کارڈ کو ’کوپیمنٹ‘ ماڈل پر منتقل کیا جا رہا ہے۔

16 جنوری 2026ء سے مختلف مراحل میں پینل اسپتالوں میں صحت کارڈ سہولت دوبارہ فعال کی جائے گی۔