News Point PK

سانگھڑ میں آئی جی سندھ کے احکامات کی روشنی میں منشیات فروشوں کے خلاف گرینڈ آپریشن متعدد افراد زیر حراست

سانگھڑ ایس ایس پی شاھنواز چاچڑ نے چارج لیتے ہی ضلع بھر میں منشیات فروشوں کے خلاف کریک ڈاؤن سخت کردیا گیا ہے،

جس کے بعد سانگھڑ کے مختلف علاقوں میں پولیس کی بھرپور کارروائیاں جاری ہیں، ایس ایس پی سانگھڑ کی خصوصی ہدایات پر سی آئی اے انچارج زاہد کمبوہ نے بھاری پولیس نفری کے ہمراہ متعدد علاقوں میں گرینڈ آپریشن کرتے ہوئے مشتبہ افراد کی گرفتاریاں عمل میں لائیں

پولیس ذرائع کے مطابق کارروائیوں کے دوران ایسے کئی مقامات، کیبنز اور اڈوں کی نشاندہی کی گئی جہاں مبینہ طور پر منشیات فروخت کی جا رہی تھی۔ پولیس نے فوری ایکشن لیتے ہوئے ان کیبنوں کو بند کردیا

جبکہ وہاں موجود سامان قبضے میں لے کر متعلقہ تھانوں میں منتقل کر دیا گیا کارروائی کے دوران متعدد افراد سے پوچھ گچھ بھی جاری ہے اور مختلف مشتبہ عناصر کا ریکارڈ چیک کیا جا رہا ہے

ایس ایس پی سانگھڑ شاھنواز چاچڑ کا کہنا ہے کہ ضلع سانگھڑ میں منشیات فروش کسی رعایت کے مستحق نہیں، اور نوجوان نسل کو تباہی کے راستے پر ڈالنے والے عناصر کے خلاف بلاامتیاز کارروائی جاری رکھی جائے گی، انہوں نے واضح کیا کہ پولیس کی اولین ترجیح عوام کو پرامن ماحول فراہم کرنا اور نوجوانوں کو منشیات جیسے ناسور سے محفوظ بنانا ہے

انہوں نے مزید کہا کہ ضلع بھر کے تمام ایس ایچ اوز اور متعلقہ افسران کو ہدایات جاری کر دی گئی ہیں کہ اپنے اپنے علاقوں میں منشیات فروشوں، جرائم پیشہ افراد اور ان کے سہولت کاروں کے خلاف سخت نگرانی رکھی جائے

پولیس کی جانب سے مختلف داخلی و خارجی راستوں پر چیکنگ کا عمل بھی مزید سخت کر دیا گیا ہے تاکہ منشیات کی ترسیل کو روکا جا سکے

شہری حلقوں اور سماجی تنظیموں نے سانگھڑ پولیس کی اس کارروائی کو خوش آئند قرار دیتے ہوئے امید ظاہر کی ہے کہ اس مہم کے مثبت نتائج سامنے آئیں گے اور ضلع میں منشیات فروشی کے بڑھتے رجحان پر قابو پانے میں مدد ملے گی