News Point PK

جی 7 اجلاس کے دوران امریکی صدر ڈونلڈ ٹرمپ اور بھارتی وزیراعظم مودی کے درمیان ملاقات میں ایران معاہدے، آبنائے ہرمز اور مشرق وسطیٰ کی صورتحال پر تبادلہ خیال کیا گیا۔

بھارتی وزیراعظم نریندر مودی کی بار بار کی فرمائش پر بالآخر امریکی صدر ڈونلڈ ٹرمپ نے جی 7 سربراہی اجلاس کے موقع پر ان سے ملاقات کے لیے راضی ہو ہی گئے۔

میڈیا رپورٹ کے مطابق ملاقات میں ایران کے ساتھ حالیہ معاہدے، مشرق وسطیٰ کی صورتحال، عالمی تجارت، توانائی کی سلامتی اور آبنائے ہرمز میں بحری آمدورفت پر تفصیلی گفتگو کی گئی۔

ملاقات کے دوران بھارتی وزیراعظم نریندر مودی نے ایران کے ساتھ طے پانے والے معاہدے کا خیرمقدم کرتے ہوئے کہا کہ یہ پیش رفت مشرق وسطیٰ میں امن اور استحکام کے لیے نئی امید پیدا کرتی ہے۔

دونوں رہنماؤں نے اس بات پر بھی اتفاق کیا کہ عالمی توانائی کی رسد اور تجارتی سرگرمیوں کے تسلسل کے لیے سمندری راستوں کا محفوظ اور کھلا رہنا ضروری ہے۔