Wednesday, April, 8, 2026Wednesday, April, 8, 2026
سندھ بھر میں اسکول وینز کے کرایے نہ بڑھانے کا حکم نامہ جاری
ویب ڈیسک
تازہ ترین
وزیراعلیٰ سندھ مراد علی شاہ کی ہدایت پر محکمہ اسکول ایجوکیشن سندھ کے ماتحت ڈائریکٹوریٹ آف انسپکشن اینڈ رجسٹریشن آف پرائیویٹ انسٹی ٹیوشنز سندھ نے اسکول وینز کے کرائے نہ بڑھانے کا حکم نامہ جاری کردیا۔
میڈیا رپورٹ کے مطابق ترجمان وزیراعلی سندھ نے وزیراعلیٰ سندھ کی ہدایت پر اسکول ایجوکیشن ڈیپارٹمنٹ نے تمام سرکاری اور نجی اسکولوں کو مراسلہ جاری کردیا ہے۔ سندھ حکومت کی جانب سے طلبہ کی پک اینڈ ڈراپ ٹرانسپورٹ فیس میں اضافے پر پابندی عائد کردی ہے۔ پرائیویٹ اسکولز اور والدین کی جانب سے چلنے والی ٹرانسپورٹ پر کرایہ بڑھانے کی اجازت نہیں ہوگی اور ایندھن کی قیمتوں میں اضافے کے باوجود طلبہ ٹرانسپورٹ چارجز برقرار رکھنے کی ہدایت دی گئی ہے۔
ترجمان وزیراعلیٰ سندھ کے مطابق والدین پر اضافی مالی بوجھ ڈالنے سے روکنے کے لیے سخت احکامات جاری کیے گئے ہیں، حکومت کی جانب سے ٹرانسپورٹ آپریٹرز کو سہولیات فراہم کرنے کا فیصلہ کیا گیا ہے، تمام تعلیمی اداروں کو احکامات پر مکمل عملدرآمد یقینی بنانے کی ہدایت دی گئی ہے۔اسکول انتظامیہ یا نجی انتظام کے تحت چلنے والی ٹرانسپورٹ، دونوں پر فیصلے کا اطلاق ہوگا۔
ترجمان نے کہا ہے کہ اسکولوں کو طلبہ کی پک اینڈ ڈراپ سروسز کا مکمل ڈیٹا لازمی فراہم کرنے کی ہدایت دی گئی ہے، تمام وینز اور ٹرانسپورٹ سروسز کی تفصیلات حکومت کو جمع کرائی ورنہ خلاف ورزی کی صورت میں کارروائی ہوسکتی ہے۔
نمایاں خبریں
امریکا،ایران جنگ بندی، پی ٹی آئی کی بہترین سفارتکاری پر حکومتی کردار کی تعریف، سیز فائر کو ویلکم کرتے ہیں، بیرسٹر گوہر
پاکستانی قیادت کی کامیاب سفارتکاری پر امریکا ، ایران کا دو ہفتوں کی جنگ بندی پر اتفاق
امریکا ڈیڈ لائن میں توسیع اور ایران آبنائے ہرمز کھول دے، وزیراعظم پاکستان کی اپیل
پاکستان متحمل مذاکرات، کشیدگی میں کمی اور اصولی سفارتکاری کیلئے پُرعزم ہے، کور کمانڈر کانفرنس
سندھ تاجر اتحاد کا اسمارٹ لاک ڈاؤن کی حمایت کا اعلان اور کراچی کی احساس محرومی دور کرنے کا مطالبہ
