News Point – Latest Urdu News from Pakistan & World

وزیراعظم شہباز شریف نے مشرق وسطیٰ میں جاری کشیدگی کے خاتمے کیلیے ٹرمپ سے ڈیڈ لائن میں دو ہفتوں کی توسیع اور ایران سے آبنائے ہرمز کھولنے کی اپیل کردی۔

میڈیا رپورٹ کے مطابق وزیراعظم شہباز شریف نے ایران امریکا جنگ کے فیصلہ کن مرحلے کے عین وقت میں سماجی رابطے کی سائٹ ایکس پر پیغام جاری کیا۔

انہوں نے لکھا کہ پاکستان نے اس تناظر میں اہم سفارتی پیش رفت کی اور اپیل کی ہے کہ امریکا کے صدر سفارتی عمل کو موقع دینے کے لیے ڈیڈ لائن میں دو ہفتوں کی توسیع کریں۔

وزیراعظم نے لکھا کہ پاکستان کی جانب سے ایران سے بھی برادرانہ انداز میں درخواست ہے کہ وہ خیرسگالی کے جذبے کے تحت آبنائے ہرمز کو دو ہفتوں کے لیے کھول دے تاکہ خطے میں کشیدگی کم کرنے میں مدد مل سکے۔

وزیراعظم نے کہا کہ پاکستان کا مؤقف ہے کہ یہ اقدام خطے میں طویل المدتی امن اور استحکام کے لیے نہایت اہم ثابت ہو سکتا ہے۔