News Point PK

تاج ہومیو پیتھک میڈیکل کالج میرپورخاص کا دوسرا کانووکیشن، شاندار تقریب میں کامیاب طلبہ میں ہومیو پیتھک ڈاکٹری کی ڈگریاں تقسیم کیے گئے-

تاج ہومیو پیتھک میڈیکل کالج کے زیرِ اہتمام دوسرا کانووکیشن مقامی ہال میں نہایت شاندار انداز میں منعقد ہوا، جس میں سندھ بھر سے ہومیو پیتھک ڈاکٹرز، طلبہ و طالبات اور معزز شخصیات کی بڑی تعداد نے شرکت کی۔

تقریب کے مہمانِ خصوصی سی ای او BM فارماسٹیکل ڈاکٹر امان اللہ بیسمیل تھے، جبکہ دیگر نمایاں مہمانوں میں پاکستان پیپلز پارٹی کے ضلعی صدر و ایم این اے میر منور علی خان تالپر، صوبائی وزیر برائے سیاحت و ثقافت سید ذوالفقار علی شاہ، اور وزیرِ اعلیٰ سندھ کے مشیر جنید بلند شامل تھے، جن کی شرکت نے تقریب کی اہمیت کو مزید بڑھا دیا۔

کانووکیشن کے دوران مجموعی طور پر 55 طلبہ و طالبات کو ہومیو پیتھک ڈاکٹر کی ڈگریاں تفویض کی گئیں، جن میں 45 طلبہ اور 10 طالبات شامل تھیں۔

تقریب کی میزبانی تاج ہومیو پیتھک کالج کے پرنسپل ڈاکٹر عبدالرحیم اور ڈاکٹر عبدالفتح نے مشترکہ طور پر انجام دی۔ اس موقع پر ڈاکٹر علی اکبر آرائین، ڈاکٹر تنویر اور دیگر سینئر ڈاکٹر بھی موجود تھے-