وزیر داخلہ محسن نقوی کا منیٰ میں پاکستانی حجاج کرام کے کیمپس کا دورہ،حجاج کرام سے ملاقاتیں

ویب ڈیسک
خاص خبریں

وفاقی وزیرداخلہ محسن نقوی نے منیٰ میں پاکستانی حجاج کرام کے کیمپس کا دورہ کیا جہاں انہوں نے مختلف انتظامات کا جائزہ لیا اور حجاج کے لیے فراہم کردہ سہولتوں کا مشاہدہ کیا۔
میڈیا رپورٹ کے مطابق دورے کے دوران وزیرداخلہ نے حجاج کرام خصوصاً بزرگوں سے ملاقات کی اور ان سے انتظامات، رہائش اور کھانے پینے کی سہولتوں کے بارے میں دریافت کیا۔
محسن نقوی خصوصی طور پر 100 برس عمر کے بزرگ حاجی سے بھی ملے، ان کی خیریت دریافت کی اور معمر ترین حاجی کی ہمت کو سراہا۔ اس موقع پر حجاج کرام نے گفتگو کرتے ہوئے کہا کہ اس بار انتظامات اچھے ہیں، جبکہ بعض حجاج نے بتایا کہ کچھ مسائل کا سامنا کرنا پڑا لیکن عملے نے بہت تعاون کیا۔
وفاقی وزیرداخلہ نے حجاج کرام کو یقین دلایا کہ ہر حاجی ہمارے لیے بہت خاص ہے اور ان کے مسائل کے حل کے لیے عملہ موجود ہے۔ انہوں نے وفاقی وزیر مذہبی امور سردار محمد یوسف اور ان کی ٹیم کی محنت کو بھی سراہا۔
محسن نقوی نے کہا کہ سعودی عرب کی حکومت نے اس بار حجاج کرام کی پاکستان میں امیگریشن کی بہت بڑی سہولت فراہم کی ہے۔ انہوں نے سعودی عرب کے ولی عہد شہزادہ محمد بن سلمان اور وزارت حج کا خصوصی طور پر شکریہ بھی ادا کیا۔
نمایاں خبریں
عید الاضحیٰ کی آمد، ترسیل کی لاگت میں اضافہ، اشیائے خوردو نوش کی قیمتیں بڑھ گئیں

مقامی صرافہ مارکیٹوں میں سونا سستا، فی تولہ قیمت 4لاکھ 75ہزار 362روپے کی سطح پر آگئی

فواد چوہدری نے فارم 45 کے مطابق شفاف انتخابات اور قومی حکومت کا مطالبہ کردیا

بلند ٹیکس شرحیں سرمایہ کاری میں رکاوٹ ہیں: ثاقب فیاٖض

سونے کی فی تولہ قیمت میں 4 ہزار 600 روپے کا بڑا اضافہ

Automate. Scale. Grow with Webrix.
Helping businesses grow digitally