News Point – Latest Urdu News from Pakistan & World

کراچی سے بلوچستان جانے والی پی ڈی ایم اے کی امدادی مشینری پر مسلح افراد نے فائرنگ کر کے مشینوں کو ناکارہ بنادیا تاہم خوش قسمتی سے کوئی جانی نقصان نہیں ہوا۔

میڈیا رپورٹ کے مطابق انجیرہ کراس پر کراچی سے پی ڈی ایم اے کی امدادی مشینری لانے والی گاڑیوں پر نامعلوم مسلح افراد نے شدید فائرنگ کی جس کے نتیجے میں گاڑیوں کی مشینری کو نقصان پہنچا جبکہ کئی گاڑیوں کے ٹائر بھی فائرنگ سے ناکارہ ہو گئے۔

تاہم، خوش قسمتی سے اس واقعے میں کسی قسم کا جانی نقصان نہیں ہوا۔ پولیس ذرائع کے مطابق، واقعہ کوئٹہ کے انجیرہ کراس علاقے میں پیش آیا جہاں کراچی سے صوبائی ڈیزاسٹر مینجمنٹ اتھارٹی پی ڈی ایم اے کی مشینری اور آلات لانے والی گاڑیوں پر نامعلوم مسلح افراد نے اچانک فائرنگ شروع کر دی۔

حملہ آوروں نے مشینری پر براہ راست فائرنگ کی اور گاڑیوں کے ٹائروں کو نشانہ بنایا، جس سے گاڑیاں عارضی طور پر ناکارہ ہو گئیں۔

واقعے کی اطلاع ملتے ہی سیکورٹی فورسز اور پولیس کی بھاری تعداد جائے وقوعہ پر پہنچ گئی، پولیس نے فوری طور پر علاقے کو گھیرے میں لے لیا اور مشتبہ حملہ آوروں کی تلاش میں سرچ آپریشن شروع کر دیا ہے۔