مظفرآباد : صدر آزاد جموں و کشمیر ڈاکٹر محمد نجیب نقی خان نے کہا ہے کہ پونچھ میں جاری غیر یقینی صورتحال کا پرامن حل نکالنے کے لیے اقدامات کیے جائیں گے۔
میڈیا رپورٹ کے مطابق اپنے بیان میں صدر آزاد کشمیر نے کہا کہ احتجاج کرنے والے بھی ہمارے اپنے ہیں، ان کے مسائل کا جلد حل تلاش کیا جائے گا۔ انہوں نے عوام سے اپیل کی کہ نئی حکومت کو کچھ وقت دیا جائے، عوامی مسائل کے حل کے لیے اقدامات کیے جا رہے ہیں۔
ڈاکٹر محمد نجیب نقی خان نے کہا کہ حکومت اپنی کارکردگی کے ابتدائی 100 دنوں میں منصوبوں اور ترجیحات کو عوام کے سامنے لائے گی۔
انہوں نے کہا کہ عوامی مسائل کا حل، بنیادی ضروریات کی فراہمی اور ترقیاتی منصوبوں کی تکمیل حکومت کی ترجیحات میں شامل ہے۔
